管理混亂的公司

        今日去左一間上巿公司見工，是港資的公司，明明講好左十點半interview，我十點十五分上去，有早無遲，去到無啦啦叫我填form，張form真係求其過求其，完全係無乜位比你寫野，跟住仲要我填想見乜野位，喂，家陣唔係你invite我來見你叫我見個個位，做乜仲要我填三填四，於是無計照填，跟手交form同埋submit一堆證書之類既副本佢，佢叫我入房等，好，足足由十點半等到十一點半先叫我去interview，那時正如曹劌所講，再而衰三而竭，乜士氣都無晒，幾本上個個小時我對呢間所謂上巿公司完全失望。係呢一小時裏面我做乜野呢，八卦下其他人做乜野同埋搞乜事，有個野話十二月尾收到人事部叫佢interview約係一月三十一日，咁我諗成個月約定都有肯定有問題，於是乎個人事部職員當然正如我所料話已經過左，跟住interviewee梗係死口話佢地親口講係一月三十一日啦，咁好啦點收科呢，人事部就求鬼其搵條阿某叫佢入去in啦，估計吹水性質同打發佢走架者，真係晒人時間。另外有個阿姐話朝早收到人事部通知話來拿工作證，上到去人事部哥哥仔又話未有佢張證，咁真係亂到無朋友，你話我點有可能唔失望呢。

        OKAY，FINE！等左成粒鐘到我入去面試，咁都係例牌自我介紹，中文介完又英文，跟住再普通話，我想話你唔悶我都悶，將一樣野分三種語言講，加上我CV已經有晒所有野，幾本上我講我嗜好同埋工作經驗算數，好啦，戲肉來啦，佢話我填呢個SUPERVISOR既TITLE唔係佢地要請既，佢地只係請RECEPTIONIST，唔係掛，電話又話請SUPER來到又請埋D坐枱，你玩野呀，跟住又問我點解認為我會適合呢份工作，喂，大老咪住先，好似家陣係你同事邀請我來見呢個位，而家位又唔同左，又問我點解會來，你又係到玩我嗎，算數，一於照答佢話我做過好多SELLING既工作同埋CUSTOMER SERVICE既野，咁夠啦掛。見完又話如果再有通知我地會再面試。心諗你搵我我都唔知會唔會再來，到時先算。

        出到去見到條阿某，佢已經由我來之前坐到我走都仲係到等，終於有人問佢等乜野，佢話交左FORM無人理佢，跟住人事部CHECK完後只係回答佢一句，我地無收過你張FORM喎，噢，咁既公司，無論係到工作或者用資金投資，都想講聲早抖罷了。